Ҳужумчи Габриэл Мартинелли шу ёзда «Арсенал»ни тарк этиши мумкин.

Fichajes нашри маълумотларига кўра, Мадриднинг «Атлетико» клуби бразилиялик футболчини ўз сафига қўшиб олишга қизиқмоқда. «Матрасчилар» бош мураббийи Диего Симеоне форвард талантининг катта ишқибози ҳисобланади. Лондон клуби ўз футболчисини сотишга тайёр, аммо фақат мақбул ва муносиб сумма эвазига.

Габриэл Мартинелли 2019 йилда «Итуано»дан «Арсенал»га 7 миллион евро эвазига ўтган эди. Унинг Лондон клуби билан шартномаси 2027 йилнинг 30 июнигача мўлжалланган. 2025/26 йилги мавсумда бразилиялик футболчи «канонирлар» сафида барча турнирларда 53 та ўйинда майдонга тушиб, 11 та гол урди ва 7 та голли узатмага муаллифлик қилди. Transfermarkt портали Мартинеллининг қийматини 45 миллион еврога баҳоламоқда.