Луис Энрике яқин йиллар давомида ҳам «ПСЖ»ни бошқаришда давом этади.
L’Equipe нашри маълумотларига кўра, испаниялик мутахассис Париж клуби билан янги шартномани келишиб олди. Мураббийнинг парижликлар билан янги битими 2030 йилгача амал қилади. Яқин орада битим тузилгани ҳақида расман эълон қилиниши кутилмоқда.
Луис Энрике 2023 йилда «ПСЖ» бош мураббийига айланган эди. Унинг қўл остида парижликлар 3 мартадан Лига 1 ва Франция Суперкубогини, 2 мартадан Чемпионлар Лигаси ҳамда Франция Кубогини, шунингдек, 1 мартадан УЕФА Суперкубоги ва Қитъалараро кубокни қўлга киритишди. Энрике ўз фаолияти давомида «Рома», «Сельта», «Барселона» ва Испания терма жамоаларида ҳам ишлаган.
