«Барселона»нинг ёш ва истеъдодли ҳимоячиси Жофре Торрентс ушбу ёзги трансфер ойнасида тажриба орттириш ва фаолиятида кейинги қадамни ташлаш мақсадида жамоани ижара асосида тарк этиши кутилмоқда.
Ҳимоячига бир қатор клублар қизиқиш билдирмоқда. Хусусан, Нидерландиянинг «Аякс» ҳамда Испаниянинг «Расинг» клублари футболчи бўйича расмий таклиф юбориб бўлган. Торрентс яқин орада ушбу вариантларни атрофлича ўрганиб чиқиб, келажаги бўйича якуний қарорга келади.
«Барселона» раҳбарияти ўз академияси тарбияланувчиси асосий таркибда мунтазам ўйин амалиётига эга бўлишини хоҳламоқда. Каталонияликларнинг фикрича, вақтинчалик ижара унинг ривожланиши учун жуда қўл келади ва келажакда клубнинг асосий таркиби учун рақобатлашишига замин яратади.
