«Реал» ҳужумчиси Гонсало Гарсия энди «Фулхэм» шорт-листида эмас. Журналист Низаар Кинселла ижтимоий тармоқларда хабар беришича, «дала ҳовли эгалари» Гарсияни ўз сафига қўшиб олиш вариантини ортиқ кўриб чиқмаяпти.
«Реал» бош мураббийи Жозе Моуриньо Гонсало Гарсияни 2026/2027 йилги мавсум учун жамоада олиб қолмоқчи, деб ҳисобланмоқда.
Гонсало Гарсия «Реал» академиси тарбияланувчиси ҳисобланади. «Қаймоқранглилар»нинг асосий жамоасида ўтказган 73 та расмий ўйинида Гонсало ўз ҳисобига 30 та гол ва 7 та голли узатма ёзиб қўйган.
Нуфузли Transfermarkt портали 22 ёшли Гонсало Гарсияни 30 миллион еврога баҳоламоқда.
