Англиянинг «Астон Вилла» клуби «Челси» ҳужумчиси Николас Жексонни ўз сафига қўшиб олишга қизиқиш билдирмоқда. Бу ҳақда журналист Николо Скира X ижтимоий тармоғидаги саҳифасида маълум қилди.
«Астон Вилла» Николас Жексонни сотиб олиш бўйича «Челси» билан музокараларни бошлади. Унаи Эмери уни «Вильярреал»да бирга ишлаган даврлариданоқ юқори баҳолайди ва юқори маоши ҳамда «Челси» сўраётган қиммат трансфер суммасига қарамай, таркибида кўришни хоҳлайди», — деб ёзди Скира.
25 ёшли Николас Жексон ўтган мавсумни ижара асосида Германиянинг «Бавария» клубида ўтказди. Transfermarkt портали сенегаллик ҳужумчининг бозор қийматини 40 миллион еврога баҳоламоқда. ЖЧ-2026 мусобақасида Жексон тўртта ўйинда майдонга тушиб, битта голли узатмани ўз ҳисобига ёзиб қўйган.
