«Ювентус» икки нафар дарвозабонга — «Бенфика» посбони Анатолий Трубин ва «Парма» ўйинчиси Дзион Судзукига қизиқиш билдирмоқда. Бу ҳақда инсайдер Николо Скира X ижтимоий тармоғида хабар бермоқда.
Манба маълумотларига кўра, Турин клуби иккала футболчи бўйича ҳам ахборот сўраган. Шу билан бирга, «Астон Вилла»да тўп сурадиган ва Аргентина терма жамоаси таркибида ЖЧ ғолиби бўлган Эмилиано Мартинес ушбу позицияни кучайтириш учун асосий номзод бўлиб қолмоқда. Аммо ҳозиргача клублар эҳтимолий трансфер бўйича келишувга эриша олишмаган.
Трубин 2023 йилнинг ёзида «Шахтёр»дан 10 миллион евро эвазига «Бенфика»га ўтган эди. Унинг Португалия клуби билан шартномаси 2028 йилнинг 30 июнига қадар мўлжалланган, Transfermarkt портали украиналик дарвозабоннинг қийматини 25 миллион еврога баҳоламоқда.
