«Милан»га тегишли бўлган португалиялик ҳужумчи Рафаэл Леау фаолиятини Истанбулнинг «Фенербаҳче» клубида давом эттириш вариантига тўлиқ ишонч билдирмаяпти. Бу ҳақда Milan News журналистлари хабар бермоқда.

Вингернинг ўтиш борасида иккиланишига Туркия грандининг УЕФА Чемпионлар Лигаси асосий босқичида иштирок этиши сўроқ остида тургани сабаб бўлмоқда. Жамоа айни вақтда ушбу нуфузли мусобақанинг саралаш босқичида иштирок этмоқда.

Шунингдек, Леау Саудия Арабистони чемпионатидан тушган бир нечта таклифни рад этгани таъкидланмоқда.

27 ёшли португалиялик футболчининг бозор қиймати 50 миллион еврога баҳоланмоқда. Унинг миланликлар билан тузган меҳнат шартномаси 2028 йилнинг июнь ойи охиригача амал қилади.