Франция терма жамоаси ҳужумчиси Килиан Мбаппе янги бош мураббий Зинедин Зидан қўл остида ҳам миллий жамоадаги сардорлик боғичини сақлаб қолади, деб хабар бермоқда Le Parisien.
Хабар қилинишича, бу факт ҳеч қандай шубҳа туғдирмайди, чунки Зидан ва Мбаппе анчадан бери бир-бирини яхши билишади ва ўртада ўзаро ҳурмат бор.
Аввалроқ Франция футбол федерацияси (FFF) сешанба, 28 июль куни Зинедин Зидан билан шартнома имзоланганини расман эълон қилишни режалаштираётгани ҳақида хабар берилган эди.
Мбаппе Франция терма жамоаси сафида барча мусобақаларда 106 та ўйин ўтказиб, ўз ҳисобига 66 та гол ёзиб қўйган. Футболчи АҚШ, Канада ва Мексикада бўлиб ўтган 2026 йилги Жаҳон чемпионатида 10 та гол уриб, мусобақанинг энг яхши тўпурарига айланди.
