«Интер» эркин агент мақомидаги ҳимоячи Жон Стоунснинг трансфери бўйича келишувга яқинлашмоқда. Бу ҳақда инсайдер Фабрицио Романо ўзининг ижтимоий тармоқларида маълум қилди.
Томонлар принципиал келишувга эришишди, олдинда шартномани расмийлаштириш жараёни кутиб турибди. 32 ёшли инглиз футболчиси Милан клуби билан 2028 йилнинг июнигача мўлжалланган битим имзолаши кутилмоқда.
Аввалроқ Стоунз «Манчестер Сити» шарафини ҳимоя қилиб, жамоа билан бирга кўплаб совринларни, жумладан, Чемпионлар лигаси ва Англия чемпионатини қўлга киритган эди. Transfermarkt портали футболчининг бозор қийматини 12 миллион еврога баҳоламоқда.
