«Барселона» Марк Касадонинг эҳтимолий трансфери бўйича ўз талабларини маълум қилди.

Mundo Deportivo хабарига кўра, Каталония клуби 22 ёшли ярим ҳимоячининг сотувидан тахминан 40 миллион евро ишлаб олмоқчи. «Блауграна» ўзини қониқтирмаган битта таклифни рад этиб бўлди.

Испаниялик футболчини ўз сафига қўшиб олишга Саудия Арабистони клублари қизиқиш билдирмоқда. Агент Жорже Мендеш ўз мижозига мумкин бўлган вариантлар ҳақида маълум қилган.

Қайд этилишича, «Барса» бош мураббийи Ханс-Дитер Флик футболчи билан хайрлашишга тайёр — у жамоанинг ярим ҳимоя чизиғи етарлича шаклланган деб ҳисоблайди.

Ла Лиганинг ўтган мавсумида Касадо 24 та ўйинда майдонга тушиб, ўртача 40 дақиқадан ҳаракат қилган.