«Ливерпуль» тез орада Барколя бўйича биринчи таклифни юборади.
Инглиз клуби «ПСЖ» вингерини 80 миллион фунтга баҳоламоқда. 23 ёшли франциялик футболчи мерсисайдликлар учун идеал вариант ҳисобланади, аммо улар ортиқча пул тўлашни исташмаяпти, деб ёзади talkSPORT журналисти Бен Джейкобс.
Парижликлар Чемпионлар Лигасининг икки карра ғолиби бўлган Барколянинг нархи «Манчестер Сити» ва «Челси» мос равишда 116 ва 117 миллион фунт тўлаган Эллиот Андерсон ҳамда Морган Роджерсдан қимматроқ туриши керак деб ҳисоблашади. «ПСЖ» ўз ўйинчисини 170 миллион еврога (145 миллион фунт) баҳоламоқда.
Қайд этилишича, «қизиллар» Барколя билан шахсий шартнома шартларини келишиб олгани ҳақида гапиришга ҳали эрта.
Ўтган мавсумда Брэдли Лига 1 да 29 та ўйинда майдонга тушиб, 11 та гол урди ва 1 та голли узатмага муаллифлик қилди.
