«Челси» вингери Педру Нету фаолиятини «Манчестер Сити»да давом эттириши мумкин.
TribalFootball маълумотларига кўра, «шаҳарликлар» португалиялик футболчини «Тоттенхэм»га ўтишга яқин турган Савиога потенциал ўринбосар сифатида кўриб чиқмоқда. Бразилиялик вингернинг эҳтимолий трансфер суммаси тахминан 60 миллион фунт стерлингни ташкил этиши мумкин. Шу билан бирга, «Челси» Педру Нетуни сотиш вариантини кўриб чиқишга тайёр.
Педру Нету 2024 йилда «Вулверхэмптон»дан «Челси»га 60 миллион евро эвазига ўтган эди. Унинг Лондон клуби билан шартномаси 2031 йил 30 июнгача мўлжалланган. 2025/26 йилги мавсумда вингер «кўклар» сафида барча турнирларда 52 та ўйинда майдонга тушиб, 10 та гол урди ва 10 та голли узатмага муаллифлик қилди. Transfermarkt портали Педру Нетунинг трансфер қийматини 60 миллион еврога баҳоламоқда.
