«Болонья»нинг марказий ҳимоячиси Джон Лукуми фаолиятини Италиянинг бошқа клубида давом эттириши мумкин. Бу ҳақида инсайдер Николо Скира ўзининг ижтимоий тармоқларида хабар бермоқда.

Манба маълумотларига кўра, 28 ёшли колумбиялик футболчини «Комо» ўз сафига қўшиб олмоқчи. Клуб раҳбарияти ҳимоячи учун 22 миллион евро таклиф қилишни режалаштирмоқда. Лукумининг ўзи ҳам ушбу ёзда жамоасини алмаштиришга тайёр.

Колумбиялик футболчи 2022 йилнинг августидан бери «Болонья» сафида тўп суриб келмоқда. Томонлар ўртасидаги амалдаги шартнома 2027 йилнинг июнь ойи охирида якунига етади.

А Сериянинг ўтган мавсумида Лукуми 29 та ўйинда майдонга тушиб, 1 та гол урди ва 5 та сариқ карточка олди.