Ҳужумчи Муҳаммад Салоҳ Саудиянинг «Ал-Иттиҳод» клубига ўтишга яқин. Бу ҳақда Goal портали хабар бермоқда.
Манбанинг хабарига кўра, мисрлик футболчининг «Бешикташ» билан музокаралари молиявий шартлардаги келишмовчиликлар сабабли боши берк кўчага кириб қолган. Бундан сўнг «Ал-Иттиҳод» «Ливерпуль»нинг собиқ форварди билан музокараларга киришди ва унга йилига 25 миллион доллар маош кўзда тутилган шартнома таклиф қилди. Таъкидланишича, Салоҳ ўтишга розилик берган, ҳужжатларни имзолаш эса яқин орада бўлиб ўтади.
Мисрлик футболчи ўтган мавсум охирида эркин агент сифатида «Ливерпуль»ни тарк этган эди. Ушбу жамоадаги фаолияти давомида Салоҳ икки бор Англия чемпионатида ғолиб чиқди, шунингдек, Чемпионлар лигаси, Клублар ўртасидаги жаҳон чемпионати ва УЕФА Суперкубоги соҳибига айланди.
