«Ливерпуль» бош мураббийи Андони Ираола ҳужумчи Александер Исак янги мавсумда жамоанинг асосий футболчиларидан бирига айланиши кераклигини таъкидлади.

«Менимча, Алекс ҳозир яхши ҳолатда. У жаҳон чемпионатида жуда ишончли ўйин намойиш этди ва ўзини майдонда эркин ҳис қилди. У биз билан илк машғулотини ўтказди ва мен Исакнинг яхши спорт формасини кўрдим.

Албатта, ҳозир якуний хулоса чиқаришга ҳали эрта, чунки у эндигина машғулотларга қайтди. Аммо умид қиламанки, у «Лидс»га қарши ўйинда майдонга тушади ва мавсумолди тайёргарлигини тўлиқ ўтайди.

Бу тайёргарлик узоқ давом этмайди, бироқ уч-тўрт ҳафта ичида керакли жисмоний ҳолатга киради, деб умид қиламан. Шундан сўнг уни оптимал спорт формасига олиб келамиз. Чунки бу мавсумда у биз учун жуда муҳим футболчи бўлади», — деди Ираола.

Мураббийнинг фикрича, Исак мавсум бошига қадар зарур спорт формасини тиклаб олса, «Ливерпуль» ҳужум чизиғининг асосий таянчларидан бирига айланиши кутилмоқда.