«Ан-Наср» клуби 2026/27 йилги мавсумга тайёргарлик кўрмоқда ва ҳозирда Португалияда ўқув-машғулот йиғинини ўтказмоқда. Ҳужумчи Криштиану Роналду ушбу йиғин давомида жамоага бориб қўшилиши кутилган эди, аммо режалар ўзгарди.
Goal портали журналист Рибан аль-Досарига таянган ҳолда хабар беришича, Роналду жамоа билан машғулотларни фақатгина «Ан-Наср» Лиссабондан Эр-Риёдга қайтиб келганидан сўнг бошлайди.
«Ан-Наср»нинг Португалиядаги йиғини 5 август куни якунига етади. Орадан кўп ўтмай Криштиану Роналду жамоадошлари билан биргаликда янги мавсумга тайёргарликка киришади.
Саудия Арабистони чемпионатининг 1-тур матчини «Ан-Наср» 15 август куни ўтказади.
