«Ливерпуль» «Милан»нинг марказий ҳимоячиси Фикайо Томорига қизиқиш билдирмоқда. Англия клуби 28 ёшли футболчининг трансфери бўйича «россонери» билан дастлабки музокараларни бошлади. Бу ҳақда TuttoJuve нашри хабар бермоқда.

Манбанинг хабарига кўра, айни вақтда музокаралар дастлабки босқичда турибди. «Ливерпуль»нинг мақсади расмий таклиф юборишдан олдин трансфер харажатлари ва уни амалга ошириш имкониятларини баҳолаб олишдан иборат.

Ўтган мавсумда Томори барча мусобақаларда 37 та ўйинда майдонга тушиб, 3 та голли узатмага муаллифлик қилди. Футболчининг клуб билан амалдаги шартномаси 2027 йилнинг ёзигача мўлжалланган. Transfermarkt портали маълумотларига кўра, футболчининг бозор қиймати 17 миллион еврони ташкил этади.