«Челси» ва «Манчестер Сити» Швециянинг «Сириус» клуби ҳужумчиси Робби Юр билан шартнома имзолаш бўйича музокаралар ўтказди. Бу ҳақда Caught Offside нашри хабар бермоқда.
Манбанинг хабарига кўра, 22 ёшли ҳужумчига «Арсенал», «Ньюкасл» ва «Тоттенхэм» клублари ҳам қизиқиш билдирмоқда, бироқ «Челси» ва «Манчестер Сити» унинг трансферини ҳал қилишга энг яқин турибди.
2025/2026 йилги мавсумда Юр барча мусобақаларда 19 та ўйинда майдонга тушиб, 20 та гол урган ва 3 та голли узатмага муаллифлик қилган. Футболчининг клуб билан амалдаги шартномаси 2029 йилнинг охиригача мўлжалланган. Transfermarkt портали маълумотларига кўра, ҳужумчининг бозор қиймати 5 миллион еврони ташкил этади.
