«Тоттенхэм» бош мураббийи Роберто де Дзерби «Челси» вингери Михаил Мудрик ҳақида ўз фикрларини билдириб ўтди. Ўтган кунларда Мудрикдан допинг қоидаларини бузгани учун қўйилган дисквалификация олиб ташлангани эълон қилинган эди. Де Дзерби илгари «Шахтёр»да украиналик футболчи билан бирга ишлаган.
«Мудрик мен учун ўғлимдек! Миша — ажойиб йигит, юқори даражадаги футболчи. Сўнгги икки йилда бошидан кечирган воқеалардан сўнг, у янги мавсумда ажойиб ўйин кўрсатади деб умид қиламан. Ишқилиб, буни «Тоттенхэм»га қарши ўйинда кўрсатмаса бўлди...» — деди де Дзерби журналистларга.
«Челси» Михаил Мудрикдан дисквалификация олиб ташланганини июль ойининг сўнгги кунида эълон қилган эди.
