Мадриднинг «Реал» клуби ярим ҳимоячиси Жуд Беллингем жамоани тарк этиши мумкин.
El Nacional нашри хабарига кўра, англиялик футболчига «ПСЖ» жиддий қизиқиш билдирмоқда. Париж клуби Беллингемни трансферга кўндириш мақсадида уни жамоадаги энг юқори маош олувчи футболчига айлантиришга тайёр.
22 ёшли ярим ҳимоячининг «Реал» билан амалдаги шартномаси 2029 йилнинг ёзигача мўлжалланган.
Беллингем шу кунга қадар «Реал» сафида барча мусобақаларда 140 та учрашувда майдонга тушиб, 46 та гол урди ва 33 та голли узатмани амалга оширди.
