«Челси» «Райо Вальекано»нинг чап қанот ҳимоячиси Пеп Чаварриянинг трансфери устида ишлашни давом эттирмоқда.

Мадрид клуби 28 ёшли футболчи бўйича «кўклар»нинг биринчи таклифини рад этган эди, бироқ лондонликлар таслим бўлишгани йўқ: журналист Себастьен Видальнинг маълумотига кўра, «Челси» яхшиланган янги таклиф билан музокараларга қайтган. Томонлар муҳокамани давом эттиришмоқда.

Машҳур Transfermarkt портали мутахассислари Пеп Чаварриянинг қийматини 10 миллион еврога баҳоламоқда. Ўтган мавсумда испаниялик латераль «Райо Вальекано» таркибида барча турнирларда 44 та ўйинда майдонга тушиб, 1 та гол урди ва 3 та голли узатмага муаллифлик қилди.