Туркиянинг «Галатасарай» клуби «Наполи» ва Бельгия терма жамоаси ярим ҳимоячиси Кевин Де Брёйнени сотиб олмоқчи. Инсайдер Экрем Конурнинг X ижтимоий тармоғида хабар беришича, Истанбул клуби бельгиялик футболчи учун жозибадор шартларга эга икки йиллик шартнома тайёрламоқда.
Шунингдек, «Галатасарай» «Наполи»га расмий таклиф юбормоқчи. Де Брёйненинг неаполликлар билан амалдаги шартномаси 2027 йилнинг ёзигача мўлжалланган.
Аввалроқ «Галатасарай» Москванинг «Локомотив» клуби ярим ҳимоячиси Алексей Батраковни сотиб олишга яқин тургани ҳақида хабар берилган эди. ОАВ маълумотларига кўра, Туркия клуби Россия терма жамоаси футболчиси учун шартномада кўрсатилган 20 миллион евро миқдоридаги товон пулини тўлашга тайёрланмоқда.
