«Манчестер Сити» ҳимоячиси Йошко Гвардиол клуб Пеп Гвардиолага муносиб ўринбосар сифатида Энцо Марескани тўғри танлаганига ишончи комил.

«Даража жуда юқори ва Энцонинг мураббий этиб тайинланиши тасодиф эмас. Ўйлайманки, унда зарур маҳорат ва қатор янги ғоялар бор. Шунингдек, ўйин услубимиз, қандай футбол ўйнашимиз, тактика ва бошқа жиҳатларда нималар қилишимизни кўриб чиқишимиз керак. У идеал вариант деб ҳисоблайман, аммо, албатта, вақт керак бўлади.

Бу мутлақо янги нарса, мураббийни алмаштириш осон эмас, шунинг учун бизга вақт лозим. Вазифамиз — унга имкон қадар кўпроқ ёрдам бериш ҳамда тезроқ мослашиш учун уни диққат билан эшитишдир. Мен у билан кўришдим, жароҳатим ҳақида, Пеп қўл остида илгари қандай ўйнаганимиз ва мен қандай ҳаракат қилганим ҳақида бироз гаплашдик, умуман олганда шу», — деди Гвардиол.