«Реал» ҳужумчиси Винисиус Жуниор яқин кунларда янги шартнома борасида мадридликлар раҳбарияти билан ҳал қилувчи музокараларни ўтказади. Бу ҳақда AS нашри хабар бермоқда.

Манба берган маълумотларга кўра, бразилиялик футболчи 2 август куни кечқурун Мадридга қайтиб келди ва бугундан эътиборан бош мураббий Жозе Моуриньо қўл остида янги мавсумга тайёргарликни бошлайди. Винисиус дастлаб жамоа устози билан учрашади, шундан сўнг клуб раҳбарияти билан музокаралар столига ўтиради.

Футболчининг амалдаги шартномаси тугашига яна 11 ой қолган. «Реал» ўз етакчиларидан бирини сақлаб қолмоқчи, бироқ ўйинчининг талабларига мувофиқ охирги таклифнинг молиявий шартларини яхшилашга тайёр эмас.

AS нашрининг таъкидлашича, агар томонлар янги битим бўйича келиша олишмаса, Мадрид клуби келажакда футболчини текинга бой бермаслик учун уни жорий трансфер ойнасидаёқ сотиш вариантини кўриб чиқиши мумкин.

2025/26 йилги мавсумда Винисиус «Реал» сафида барча турнирларда 22 та гол урди. Илгарироқ бразилиялик футболчини Лондоннинг «Арсенал» клуби ўз сафига қўшиб олишга ҳаракат қилаётгани ҳақида хабар берилган эди.