«Реал» ижтимоий тармоқларда пост жойлаб, Винисиус Жуниор, Бернарду Силва ва Браим Диас жамоа ихтиёрига келганини маълум қилди.
Футболчилар Жаҳон чемпионатида иштирок этганликлари сабабли берилган узайтирилган таътилдан сўнг 2026/2027 йилги мавсумга тайёргарликни бошлашмоқда. Ишга киришишдан олдин бразилиялик, португалиялик ва марокашлик футболчилар тиббий кўрикдан ўтишди.
Таъкидлаш жоизки, Бернарду Силва шу ёзда «Манчестер Сити» билан шартномаси тугагач, эркин агент мақомида «Реал»га ўтган эди.
«Реал» Испания чемпионатининг биринчи туридаги ўйинини шанба куни, 22 августда — сафарда «Эспаньол»га қарши ўтказади.
