Самарқанднинг «Динамо» футбол клуби ҳимоячи Жаҳонгир Ўрозовнинг трансфери бўйича Россиянинг «Рубин» (Қозон) жамоаси билан келишувга эришганини маълум қилди.
Икки тараф ўртасида тузилган шартномага мувофиқ, 22 ёшли марказий ҳимоячи кейинчалик тўлиқ сотиб олиш ҳуқуқи билан 2026-йил якунига қадар Қозон клубига ижарага берилди. Ж. Ўрозовнинг «Динамо» ПФК билан тузган амалдаги келишуви 2027-йил охирига қадар мўлжалланган.
Жаҳонгир Ўрозов 2024-йилда «Динамо» таркибига келиб қўшилган бўлиб, ўтган давр мобайнида жамоа сафида 55 та расмий учрашувда майдонга тушган ва 1 та гол урган. У Самарқанд клубидаги барқарор ўйинлари эвазига Ўзбекистон миллий терма жамоасидан чақирув олган ҳамда ЖЧ-2026 доирасидаги Колумбия ва Конго ДР терма жамоаларига қарши баҳсларда иштирок этган.
