Франциянинг «Пари Сен-Жермен» клуби «Парма»нинг япониялик дарвозабони Дзион Судзуки трансфери бўйича ўз таклифини яхшиламоқчи. Бу ҳақда журналист ва инсайдер Фабрицио Романо X ижтимоий тармоғида хабар бермоқда.
Манба маълумотига кўра, янги таклифнинг тузилиши соф 28 миллион евро ва бонусларни ўз ичига олган аввалгисидан фарқ қилади. Қайд этилишича, Судзуки Франция грандига трансферини якунлаши биланоқ «ПСЖ»дан ижара ҳуқуқи асосида «Ювентус»га ўтиши мумкин.
Аввалроқ Судзуки «ПСЖ» билан 2031 йилгача мўлжалланган шартнома бўйича принципиал келишувга эришгани хабар қилинган эди.
Судзуки 2024 йилдан бери «Парма» сафида тўп суриб келмоқда, ушбу давр мобайнида у Серия А да 57 та ўйин ўтказган ва Япония терма жамоаси сафида 28 та учрашувда майдонга тушган. Эслатиб ўтамиз, парижликлар таркибида Россия терма жамоаси дарвозабони Матвей Сафонов ҳам тўп суради.
