Fransiyaning «Pari Sen-Jermen» klubi «Parma»ning yaponiyalik darvozaboni Dzion Sudzuki transferi bo‘yicha o‘z taklifini yaxshilamoqchi. Bu haqda jurnalist va insayder Fabrisio Romano X ijtimoiy tarmog‘ida xabar bermoqda.

Manba ma’lumotiga ko‘ra, yangi taklifning tuzilishi sof 28 million yevro va bonuslarni o‘z ichiga olgan avvalgisidan farq qiladi. Qayd etilishicha, Sudzuki Fransiya grandiga transferini yakunlashi bilanoq «PSJ»dan ijara huquqi asosida «Yuventus»ga o‘tishi mumkin.

Avvalroq Sudzuki «PSJ» bilan 2031 yilgacha mo‘ljallangan shartnoma bo‘yicha prinsipial kelishuvga erishgani xabar qilingan edi.

Sudzuki 2024 yildan beri «Parma» safida to‘p surib kelmoqda, ushbu davr mobaynida u Seriya A da 57 ta o‘yin o‘tkazgan va Yaponiya terma jamoasi safida 28 ta uchrashuvda maydonga tushgan. Eslatib o‘tamiz, parijliklar tarkibida Rossiya terma jamoasi darvozaboni Matvey Safonov ham to‘p suradi.