Англиянинг «Тоттенхэм Хотспур» клуби ҳимоячиси Кристиан Ромеро Испаниянинг «Атлетико» Мадрид клубига ўтишга яқин турибди. Бу ҳақда журналист Николо Скира X ижтимоий тармоғида хабар берди.
«Кути Ромеро ва Мадриднинг «Атлетико» клуби ўртасида 2030 йилгача мўлжалланган (йилига 6 миллион евро) ва шартномани 2031 йилгача узайтириш имконияти билан принципиал келишувга эришилди. «Атлетико» ҳозирда «Тоттенхэм» билан битим тузиш бўйича музокаралар олиб бормоқда. «Тоттенхэм» марказий ҳимоячи учун 40-45 миллион евро олмоқчи, футболчининг ўзи эса аллақачон сотилишини сўраган», — деб ёзди Скира.
Англия чемпионатининг 2025/2026 йилги мавсумида 28 ёшли Кристиан Ромеро 23 та ўйин ўтказиб, тўртта гол урди ва битта голли узатмага муаллифлик қилди. Шунингдек, унинг ҳисобида Чемпионлар Лигасида саккизта ўйин, битта гол ва иккита узатма бор.
