«Арсенал» Дублиндаги ўртоқлик учрашувида «Бетис»га мағлуб бўлди (1:3). Испания клуби ҳимоячиси Эктор Бельерин ўз собиқ жамоаси билан тўқнаш келди ва бундан жуда хурсанд бўлди.

Бельерин ўйиндан кейинги интервью вақтида қувончдан чарақлаб турди. У ҳар доим «Арсенал»га мухлислик қилганини ва ўйингача бўлган кунларни санайганини айтди.

«Ушбу ўртоқлик ўйини эълон қилинганини эшитганимдан бери кунларни санардим! Мен у ерда 10 йил ўтказдим ва ҳар доим ёрдам беришга ҳаракат қилдим. «Арсенал»ни ўзига муносиб жойда кўриш жуда ёқимли ва охир-оқибат улар билан майдонда учрашганимдан хурсандман», деди футболчи.