«Галатасарой» «Милан» вингери Рафаэл Леау трансфери бўйича янги таклиф беришга тайёрланмоқда.

Португалиялик футболчига ўтиш розилигини олиш мақсадида мавсумига 10 миллион евро маош кўзда тутилган ва 2030 йилгача мўлжалланган шартнома таклиф қилинди. Леаунинг ўзи эса юқорироқ маош талаб қилмоқда — футболчи жамоанинг асосий юлдузи Виктор Осимхен даражасида даромад олмоқчи.

Аввалроқ «Галатасарой» Леау трансфери учун «Милан»га 30 млн евро таклиф қилгани, бироқ «россонери»лар 50-60 млн евро олмоқчи экани ҳақида хабар берилган эди.

Леау 2019 йилнинг ёзидан бери «Милан»да тўп суриб келмоқда. Ўтган мавсумда вингер барча турнирларда 31 та ўйинда майдонга тушиб, ўз ҳисобига 10 та гол ва 3 та голли узатма ёздириб қўйди.

«Галатасарой» ўтган 2025/26 йилги мавсумда Туркия чемпиони бўлди ва Чемпионлар Лигасининг асосий босқичига тўғридан-тўғри йўлланмани қўлга киритди.