«Челси» таркибида 10 нафар тажрибали марказий ҳимоячи бўлишига қарамай, клуб ушбу ёзда яна бир ҳимоячини сотиб олиши мумкин. Инсайдер ва журналист Бен Якобснинг сўзларига кўра, бу трансфер фақат маълум бир шарт бажарилган тақдирдагина амалга ошади.
CFCHub Twitch стримида чиқиш қилган Якобснинг маълум қилишича, янги ҳимоячи хариди Трево Чалобанинг «Комо»га трансферидан ташқари, Аксель Дисаси, Бенуа Бадиашиль ва Тосин Адарабиололарнинг ҳам жамоани тарк этишига боғлиқ.
Аммо янги ҳимоячи олиш ҳозирда клуб учун устувор вазифа эмас. Асосий эътибор янги футболчи харид қилишга эмас, балки юқорида номлари тилга олинган ўйинчиларни сотиб юборишга қаратилган.
Ҳатто ушбу тўрт футболчи жамоани тарк этган тақдирда ҳам, «Челси» ихтиёрида Максанс Лакруа, Леви Колвилл, Уэсли Фофана ва Жош Ачимпонг қолади. Бу эса еврокубокларсиз ўтадиган мавсум учун тўлиқ етарли ҳисобланади.
