«Манчестер Сити» футболчиси Матеус Нунес аслида ярим ҳимоячи бўлса-да, собиқ бош мураббий Хосеп Гвардиола томонидан қанот ҳимоячиси позициясига ўтказилгани ва бунга аввалига қандай муносабатда бўлгани ҳақида гапириб берди.

«Мен дўстларимга доимо флангда ўйнаш ёқмаслигини ва қанот ҳимоячиси эмаслигимни эслатиб турардим. Улар эса: «Ҳа, шундай, лекин сен бу позицияда жуда яхши ўйнаяпсан» дейишарди. Жамоадаги шерикларим Бернарду Силва ва Рубен Диаш ҳам: «Сен жуда яхши ҳаракат қилдинг, шуни қабул қил», деб мени тинмай «ҳоли-жонимга қўйишмасди». Мен эса: «Йўқ, йўқ, йўқ», деб рад этардим.

Аммо муайян вақт келганда, одамлар айтаётган гапларга эътибор қаратишга мажбур бўласан. Буни умрингнинг охиригача инкор эта олмайсан, чунки акс ҳолда ўз имкониятингни бой бериб қўйишинг мумкин. Агар шундай қилишда давом этганимда, имкониятимни аниқ бой берардим», — дейди Нунес The Athletic нашрига берган интервьюсида.