«Манчестер Сити» бош мураббийи Энцо Мареска дарвозабон Жеймс Траффорднинг «Лидс»га ўтиб кетгани ҳақида фикр билдирди.

«Афсуски, Жеймс каби ўтган мавсумда унчалик кўп ўйнамаган футболчилар бор. Ҳар бир футболчи майдонга тушиб ўйнаш учун ҳар куни меҳнат қилади. Бу содир бўлмаганида, футболчиларнинг норози бўлиши мантиқий ҳолат. Траффорд бизни қониқтирганди, аммо у, эҳтимол, кўпроқ ўйнашни хоҳлаган», — дейди Мареска City Xtra нашрига.

«Манчестер Сити» Траффордни ўтган ёзда «Бёрнли»дан 30 миллион евродан ортиқ маблағ эвазига сотиб олган эди. «Шаҳарликлар» янги футболчини биринчи рақамли дарвозабон қилмоқчи эди, бироқ трансфер ойнасининг сўнгги кунида улар Доннаруммани ўз сафига қўшиб олишга муваффақ бўлишди.

Ўтган мавсум давомида Траффорд 17 та ўйин ўтказиб, 13 та гол ўтказиб юборган. Жорий ёзда эса дарвозабон «Лидс»га кўчиб ўтди.