«Фенербахче» «Атлетико» ҳужумчиси Александер Сёрлотни сотиб олиш учун курашда пешқадамга айланди, деб хабар беради Goal Маттео Мореттога таяниб.

Мадрид клуби 30 ёшли норвегиялик футболчини тахминан 40 миллион еврога баҳоламоқда. Туркия томони керакли молиявий имкониятларга эга, аммо ҳозирча «Атлетико»нинг талабларига мос келадиган расмий таклиф бергани йўқ. Томонлар ўртасида музокаралар давом этмоқда.

Сёрлотнинг сотилиши «Атлетико»нинг трансфер стратегиясида муҳим ўрин тутиши мумкин. Тушган маблағ ва бўшаган маош ведомости клубга Душан Влахович билан шартнома имзолаш устида янада фаолроқ ишлаш имконини беради.

Сербиялик форвард июнь ойи охирида «Ювентус» билан шартномаси якунлангач, эркин агент мақомида турибди. Мадридликлар уни ҳужум чизиғида Сёрлотнинг эҳтимолий ўринбосари сифатида кўриб чиқишмоқда.