«Арсенал»нинг янги футболчиси Бруно Гимараэс «Ньюкасл»дан Лондон клубига кўчиб ўтганидан сўнг олдига қўйган мақсадлари ҳақида гапирди.
28 ёшли бразилиялик ярим ҳимоячи совринларни қўлга киритиш ва «канонирлар» тарихида ўзидан муносиб из қолдиришни исташини таъкидлади.
«Мен жуда хурсандман. Ҳаётимнинг шундай босқичидаманки, айнан шундай чақирув менга керак эди. Совринларни қўлга киритишни, тарих яратишни истайман ва бунинг учун тўғри жойга келганимга ишонаман. Ҳаммасини бошлашни интиқлик билан кутяпман», — дея Гимараэснинг сўзларини келтиради «Арсенал» матбуот хизмати.
«Арсенал» 8 август куни ярим ҳимоячининг «Ньюкасл»дан трансфери расман амалга ошганини эълон қилди. Бразилиялик футболчи Лондон клуби билан тўрт йиллик шартнома имзолади.
