Лондоннинг «Арсенал» клуби ҳимоя марказига янги футболчи сотиб олиш устида ишламоқда. Бу ҳақда инсайдер Николо Скира хабар бермоқда.
Эслатиб ўтамиз, Жаҳон чемпионати – 2026 да «Арсенал» ва Франция терма жамоаси ҳимоячиси Вильям Салиба жиддий жароҳат олган эди. Аввалроқ хориж ОАВларида «канонирлар» «Тоттенхэм»дан Кристиан Ромерони таклиф қилишдан манфаатдор экани ҳақида миш-мишлар пайдо бўлган эди, аммо «шпорлар» ўз ўйинчисини ашаддий рақиби сафига қўйиб юбориш ниятида эмас.
16 август куни «Арсенал» янги мавсумдаги илк расмий ўйинини ўтказади — рақиб «Манчестер Сити» бўлади. Англия Суперкубоги учун кечадиган баҳс Тошкент вақти билан соат 19:00 да бошланади.
