«Ювентус»нинг собиқ ҳужумчиси Алессандро Дель Пьеро Керим Алайбеговичнинг трансферидан хурсанд эканини билдирди.
Босния ва Герцеговина терма жамоасининг 18 ёшли форварди Турин клубига «Байер»дан 30+5 миллион евро эвазига ўтди.
«Жуда хурсандман, чунки у, биринчидан, ҳайратланарли даражада истеъдодли, иккинчидан, жуда ёш. Олдинга ўтиб айтсам, унинг шартномаси катта устунликдир, чунки Италияга келадиган истеъдодли футболчиларни топиш биз учун ҳамиша қийин кечган, сабаби уларни биздан илиб кетишарди. Энди эса бизда шундай истеъдод бор...
Умид қиламизки, унда ҳаммаси ўхшайди, ўсиши учун етарли вақт берилади ва уни шоширишмайди — чунки бундан ҳеч қандай маъно йўқ. Энг муҳими, у жамоага яхши мослашиб олсин. Ўйлайманки, йил давомида Спаллеттида унга ҳаракат эркинлиги бериш имконияти бўлади — кейин нима бўлишини кўрамиз», — дейди Дель Пьеро.
