«Ливерпуль»нинг янги аъзоси Рональд Араухо яқин ўтмишда клубда тўп сурган ватандоши Дарвин Нуньес ҳақидаги саволга жавоб берди.

Уругвайлик ҳужумчи 2022 йилнинг ёзида «Бенфика»дан «қизиллар» сафига ўтган эди, уч йилдан сўнг эса «Аль-Хиляль»га сотилди.

«Дарвинга билдирган тилаклари учун миннатдорчилик билдирмоқчиман. У менинг яхши дўстим. Биз деярли болалигимиздан бери бир-биримизни таниймиз, анчадан бери бирга ўйнаймиз. У «Ливерпуль» ҳақида ҳар доим жуда ижобий фикр билдирган. У билан бирга сайр қилганингизда, мухлислар уни доимо таниб олишади ва исмини айтиб ҳайқиришади», — дейди «Барселона»дан ижарага олинган ҳимоячининг сўзларини келтирган «Ливерпуль» расмий сайти.

Рональд Араухонинг ижараси мавсум охиригача мўлжалланган бўлиб, битимга сотиб олиш ҳуқуқи ҳам киритилган.