Дарвозабон Жион Сузуки "Парма"дан "ПСЖ"га ўтганидан сўнг дарҳол Италияга қайтиши мумкин. Франция гиганти япониялик посбонининг трансферини якунлашга яқин, унинг шартнома қиймати 35 миллион еврони ташкил қилади.
Инсайдер Николо Скиранинг сўзларига кўра, "Ювентус" бугун, чоршанба куни 23 ёшли дарвозабоннинг агенти билан ижара шартномасини муҳокама қилиш учун учрашади. Парижликлар янги трансферини мавсумнинг қолган қисмида Туринга қўйиб юборишга тайёр. Қарорни футболчининг ўзи қабул қилади.
Жион Сузуки "Парма" сафида А Серияда 57 та ўйинда майдонга тушиб, 81 та гол ўтказиб юборган ва 13 тасида дарвозаси дахлсиз қолган. Яқинда бўлиб ўтган Жаҳон чемпионатида дарвозабон Япония терма жамоасининг барча тўртта ўйинида асосий таркибда майдонга тушган.
