Аргентина терма жамоасининг қанот ҳимоячиси Науэль Молина энди Италиянинг «Рома» клуби шарафини ҳимоя қилади. Рим клуби Мадриднинг «Атлетико» жамоасидан футболчининг трансферини расмий сайтида эълон қилди.

Меҳнат шартномасининг муддати ҳақида римликлар маълумот беришмади. Италия матбуоти хабарига кўра, Молина «Рома»да 2030 йилнинг ёзигача ўйнайди, трансфер суммаси эса 18 миллион еврони ташкил этди.

А Серияда футболчи 20-рақам остида тўп суради.

28 ёшли Молина охирги тўрт мавсумни «Атлетико»да ўтказди. Испания жамоаси таркибида қанот ҳимоячиси барча турнирларда 181 та ўйин ўтказиб, тўққизта гол урди ва 17 та голли узатма берди.