«Манчестер Сити» таркиби янги дарвозабон билан бойиди. У 34 ёшли Херонимо Рульи бўлди. Франциянинг «Марсель» клубидан дарвозабон трансфери ҳақидаги эълон Англия клубининг расмий сайтида пайдо бўлди.

Рульи 2028 йилнинг ўрталаригача мўлжалланган меҳнат шартномасини имзолади. Миш-мишларга кўра, «Манчестер Сити» ва «Марсель» ўртасидаги келишув суммаси тахминан 3,8 миллион еврони ташкил этди.

Ўтган мавсумда тажрибали дарвозабон Франция чемпионатида 29 та ўйин ўтказиб, шулардан саккизтасида ўз дарвозаси дахлсизлигини сақлаб қолди. Лига 1 га кўчиб ўтишдан олдин Рульи Нидерландиянинг «Аякс», Испаниянинг «Вильярреал» ва «Реал Сосьедад», шунингдек, бошқа клубларда тўп сурган.