"Манчестер Сити"нинг янги футболчиси Эллиот Андерсон жамоадаги роли қандай бўлиши мумкинлиги ҳақида фикр билдирди.
"Ҳозирча Энцо Мареска билан унчалик кўп гаплашганим йўқ. Жамоадаги ролим ҳақида келаси ҳафта батафсил билиб оламан. Аммо менимча, мураббий мени бокс-ту-бокс ярим ҳимоячиси сифатида кўрмоқда. Ҳимояда ҳам, ҳужумда ҳам яхши ҳаракат қила оламан, деб ўйлайман", — деди Андерсон Hayters TV'га берган интервьюсида.
"Манчестер Сити" ёзги трансфер ойнасида 23 ёшли Андерсонни "Ноттингем Форест"дан 135 млн евро эвазига сотиб олди.
Ярим ҳимоячи ўтган мавсум барча мусобақалар доирасида 50 та учрашувда майдонга тушиб, 4 та гол урди ва 5 та голли узатмани амалга оширди.
