Мадриднинг «Атлетико» клуби ҳужумчиси Александр Сёрлот жароҳат сабаб янги мавсум бошланишини ўтказиб юборади. Бу ҳақда Marca хабар бермоқда.
Манба маълумотларига кўра, футболчи ўтган ҳафтада машғулотлардан бирини муддатидан олдин тугатишга мажбур бўлган ва шундан сўнг Жанубий Кореядаги турнега бормаган бошқа ўйинчилар билан бирга машғулот ўтказмаган. Норвегиялик футболчида мушак жароҳати аниқланган бўлиб, шу сабабли у мавсум стартидаги бир нечта ўйинни ўтказиб юборади.
«Атлетико» 2026/2027 йилги мавсумдаги илк ўйинини 19 август куни ўтказади. Диего Симеоне жамоаси Ла Лиганинг 1-турида «Малага»ни қабул қилади.
Ўтган мавсумда 30 ёшли Сёрлот Испания чемпионатида 35 та ўйинда майдонга тушиб, 13 та гол урган.
