UFC енгил вазн тоифасидаги собиқ чемпион Ҳабиб Нурмагомедов Конор Макгрегор ва Жастин Гетжи қарши жангларни таққослаб, Гетжига қарши кечган беллашув фаолиятидаги энг оғир баҳс бўлганини айтди.

“Конорга қарши жанг ўша пайтда фаолиятимдаги энг оғир жанг бўлганми? 100 фоиз. Жанглар бу психология. Руҳий жиҳатдан ўша пайтда бу энг оғир жанг эди. Шундан кейин Гетжи билан бундан ҳам оғирроқ жангим бўлди”, дейди Ҳабиб.

Гетжига қарши баҳс нима учун энг оғир беллашув бўлгани ҳақида саволга Нурмагомедов қуйидагича жавоб берди:

“Аввало, отамдан айрилганим сабабли. Ўзимни қўлга олиш жуда қийин бўлди. Ҳаммаси бир-бирига қўшилиб кетди. Отам вафот этди, тайёргарликни усиз ўтказдим — мен шуғулланган ва чемпион бўлишни истаган инсонсиз. Энг аввало, унга энг яхши бўлишим мумкинлигини исботламоқчи эдим”.

“Бургут” фаолиятида сўнгги жанг олдидан саломатлиги билан боғлиқ муаммоларга дуч келганини таъкидлади.

“Йиғин давомида ҳам соғлиғим яхши эмасди, бирин-кетин жароҳатлар олдим. Руҳий жиҳатдан эса ўткирлигимни сақлаб қолгандим. Ҳали ҳеч ким бу менинг сўнгги жангим эканини билмасди. Мен эса ўзим учун билардим: у ерда ҳаммасига нуқта қўйишим керак эди. Буларнинг барчасидан ўтиш, жароҳат олиш жуда оғир бўларди. Онам яна буни бошидан кечириши керак эди. Фаолиятимни якунлаш ҳақида у билан гаплашган эдик. Шу сабабли ҳаммасига нуқта қўймоқчи эдим”, дейди Нурмагомедов.

Маълумот учун, Ҳабиб Нурмагомедов 2021-йилда UFC'даги сўнгги жангида америкалик Жастин Гетжини бўғиш усули орқали мағлуб этган. У ММАъдаги фаолияти давомида 29 та жанг ўтказиб, уларнинг барчасида ғалаба қозонган. 2022-йилда эса у УФC Шон-шараф залига киритилган.

Нурмагомедов отасининг вафотидан сўнг мураббийлик фаолияти билан шуғуллана бошлади. У Хавер Мендес билан бирга Ислом Махачев, Умар ва Усмон Нурмагомедовларга мураббийлик қилиб келмоқда.

Шунингдек, Нурмагомедов Кҳабиб Гйм халқаро спорт заллари тармоғини ривожлантирган ва турли спорт лойиҳаларига сармоя киритган.