«Милан» жамоа ҳужумчиси Кристофер Нкункуга клуб энди унинг хизматларига эҳтиёж сезмаётганини маълум қилди.

Инсайдер Фабрицио Романонинг хабар беришича, футболчи жамоани тўлиқ трансфер орқали ҳам, ижара асосида ҳам тарк этиши мумкин.

Олдинроқ «россонери» бош мураббийи Рубен Аморим француз ҳужумчисидан ташқари яна уч футболчи: Фикайо Томори, Юссуф Фофана ва Давид Одугуга ҳам умид боғламаётгани ҳақида хабар берилган эди. Бундан ташқари, Рафаэль Леау ва Сантьяго Хименес ҳам жамоадаги келажагига тўлиқ амин бўла олишмайди.

Нкунку 2025 йилнинг августида Лондоннинг «Челси» клубидан «Милан»га ўтган эди. У «қизил-қоралар» сафида А Серияда 32 та ўйин ўтказиб, 7 та гол урди ва 3 та голли узатмани амалга оширди.

28 ёшли француз ҳужумчисининг бозор қиймати 25 миллион еврони ташкил этади.