«Манчестер Сити» вингери Жереми Доку жамоанинг собиқ бош мураббийи Хосеп Гвардиола ҳақида ўз фикрлари билан ўртоқлашди.

— Гвардиола ёнида ўтказган йилларим ажойиб бўлди. Мен жуда кўп нарса ўргандим. Биринчи суҳбатимизни ҳалигача эслайман… Ҳозир янги шартнома имзолаётганим — буларнинг бари Пепнинг шарофатидан, — деди Доку клуб матбуот хизматига.

Доку 2023 йилда «Манчестер Сити»га келиб қўшилган эди. Ўтган мавсумда 24 ёшли бельгиялик футболчи барча турнирларни ҳисобга олган ҳолда 47 та ўйинда майдонга тушиб, 8 та гол урди ва 14 та голли узатмага муаллифлик қилди.

Олдинроқ Доку Англия гранди билан меҳнат шартномасини 2031 йилнинг ўрталаригача узайтирган эди.