«Манчестер Сити» ярим ҳимоячиси Эллиот Андерсон «шаҳарликлар»нинг собиқ ҳавбеки Кевин де Брюйненинг ўйинини синчковлик билан кузатиб борганини тан олди.
— Кевин де Брёйне сўнгги 10 йил давомида мен доимо ўрнак олган ва ҳавас қилган футболчи бўлиб келган. Унинг ўйинини томоша қилиш менга завқ бағишларди. У ўйнаган клубга келиб қолиш — бу ўзгача ҳис-туйғу, — деди Андерсон журналист Жек Гоганга.
Эслатиб ўтамиз, де Брюйне 2015 йилдан 2025 йилгача «Манчестер Сити» шарафини ҳимоя қилган. Ўтган ёзда бельгиялик футболчи Италиянинг «Наполи» клубига кўчиб ўтган эди.
Ушбу трансфер ойнасида «шаҳарликлар» Андерсонни «Ноттингем Форест»дан 135 миллион евро эвазига сотиб олишди.
