"Атланта Юнайтед" "Ренн" ва Швейцария терма жамоаси ҳужумчиси Брель Эмболо трансфери бўйича келишувни якунлашга яқин. Бу ҳақда The Athletic хабар берди.
Манбага кўра, трансфер қиймати тахминан 15,5 млн еврони ташкил этади. Агар келишув амалга ошса, Эмболо MLS тарихидаги энг қиммат футболчилар бешлигига кириши мумкин.
29 ёшли ҳужумчи ўтган мавсум клуб миқёсида 34 та ўйинда майдонга тушиб, 10 та гол урди ва 3 та голли узатмани амалга оширди.
Эмболо фаолияти давомида "Базель", "Шальке", Мёнхенгладбахнинг "Боруссия" ва "Монако" клублари сафида ҳам тўп сурган.
Швейцария терма жамоаси таркибида эса у 92 та учрашувда майдонга тушиб, 26 та гол урган. 2026 йилги жаҳон чемпионатида Эмболо 2 та гол ва 2 та голли узатма билан қайд этилди.
Кутилишича, Эмболо "Атланта Юнайтед" ҳужум чизиғида Мигель Альмирон ва Алексей Миранчук билан бирга ҳаракат қилади.
Айни пайтда "Атланта Юнайтед" таркибни қайта шакллантириш жараёнини бошдан кечирмоқда ва турнирда энг паст натижа кўрсатаётган жамоалар қаторида бормоқда.
