Давиде Фраттези "Интер"дан "Лацио"га ўтди.
Милан клуби 26 ёшли ярим ҳимоячини мавсум охирига қадар Рим жамоасига ижарага берди. Келишувда футболчини кейинчалик сотиб олиш ҳуқуқи ҳам кўзда тутилган.
Инсайдер Фабрицио Романо маълумотига кўра, "Интер" ижара учун ҳозирнинг ўзида 5 млн евро олади. Агар Фраттези "Лацио"да доимий асосда қолса, миланликларга яна 10 млн евро тўланади.
Шунингдек, "нерадзуррилар" футболчи кейинчалик бошқа клубга сотилган тақдирда, трансфер суммасининг 50 фоизини олиш ҳуқуқига эга бўлади.
Фраттези ўтган мавсум А Серияда 22 та ўйинда майдонга тушди, аммо гол ёки голли узатма билан ажралиб тура олмади.
